CONSULTA V0003-17: Artigos 14. Cinco e 15. Cinco do Decreto lexislativo 1/2011. Aplicación do tipo de gravame reducido para a adquisición de vivenda habitual por menores de 36 anos e cumprimento do requisito do límite de patrimonio no caso de tratarse de dous adquirentes e constituír a vivenda habitual para un deles.

O consultante, menor de 36 anos, adquire conxuntamente con outra persoa, maior de 38 anos, unha vivenda por un valor de 300.000€. Para a adquisición da vivenda constitúese un préstamo hipotecario destinado ao seu financiamento.

Ambos os adquirentes non constitúen unidade familiar. Para o consultante vai ser a súa vivenda habitual, mentres que para o segundo adquirente non.

CONSULTA
Posibilidade de aplicar o tipo reducido do 4% en transmisión patrimonial onerosa e 0,50% en actos xurídicos documentados, documentos notariais, porque o consultante, menor de 36 anos, adquire a súa vivenda habitual por un importe de 150.000€ e o seu patrimonio non supera os 200.000€