Galicia continúa entre as Comunidades que pagan máis rápido aos seus provedores, 20 días antes que a media
- É a cuarta comunidade que mellor paga, segundo o Ministerio de Facenda
- Galicia volveu cumprir en agosto os obxectivos do plan Pago 10 da Xunta, axilizando os pagamentos das súas facturas
- A débeda comercial baixou un 32% no último ano
Santiago de Compostela, 2 de outubro de 2017.- Galicia continúa entre as comunidades autónomas que pagan máis rápido aos seus provedores, ao pechar o mes de xullo cun tempo medio de pago 20 días inferior á media autonómica, segundo mostran os datos oficiais que vén de publicar o Ministerio de Facenda e Función Pública.
O período medio de pago de Galicia situouse en xullo en 3,1 días, mentres que a media autonómica foi de 23,2 días, é dicir, 20 días máis tarde que en Galicia. Deste xeito, Galicia consolídase como a cuarta comunidade que mellor atende aos seus provedores, axilizando os pagos e evitando problemas de liquidez ás empresas que prestan servizo á Xunta.
Galicia continúa a cumprir os obxectivos do plan Pago 10, impulsado pola Xunta este ano e que ten como obxectivo situar o período medio de pago no entorno dos dez días. Ademais, o informe do Ministerio reflicte tamén que o período medio de pago de Galicia é agora 8,6 días inferior ao mesmo mes do ano pasado, o que evidencia unha importante mellora neste eido.
En canto á débeda comercial, a ratio de débeda/PIB de Galicia en xullo situouse no 0,37%, moi por debaixo da media autonómica (0,54%). Ao mesmo tempo, Galicia conseguiu reducir este indicador ata os 225,1 millóns de euros no último ano, un 32% menos.
Período Medio de Pago – Xullo 2017 (*CCAA de réxime foral) | ||||
País Vasco * | (6,8) |
| Aragón | 17,4 |
Andalucía | (3,1) | Baleares | 19,0 | |
Navarra* | (2,3) | Estremadura | 22,5 | |
Galicia | 3,1 | Madrid | 22,8 | |
Asturias | 5,0 | Media CCAA | 23,2 | |
Castela e León | 6,7 | Cataluña | 24,1 | |
Castela-A Mancha | 9,4 | Cantabria | 33,3 | |
A Rioxa | 14,9 | Valencia | 52,4 | |
Canarias | 15,9 | Murcia | 59,9 |