Volver ao contido

Notas de prensa

O Ministerio de Facenda avanza que Galicia pechou o primeiro cuadrimestre sendo a comunidade autónoma co tempo de pago a provedores máis baixo de España

O Ministerio de Facenda avanza que Galicia pechou o primeiro cuadrimestre sendo a comunidade autónoma co tempo de pago a provedores máis baixo de España

  • O informe oficial publicado hoxe indica que o período medio de pago en Galicia é de 13,8 días, menos da metade que a media autonómica (34,2 días)
  • A débeda comercial de Galicia tamén é a menor de España, segundo o ministerio

Santiago de Compostela, 22 de xuño de 2020.- O Ministerio de Facenda vén de indicar que Galicia pechou o primeiro cuadrimestre do ano sendo a comunidade autónoma co tempo medio de pago a provedores máis baixo de España, tal como mostran os datos do ‘Informe mensual sobre plazos de pago a proveedores y deuda comercial de las Comunidades Autónomas' publicado hoxe.

O período medio de pago (PMP) de Galicia ao peche do mes de abril situouse en 13,8 días, o que supón o tempo máis baixo das 17 comunidades autónomas. Pola contra, este indicador ascendeu a 34,2 días na media autonómica, o que confirma que Galicia pagou de media as súas facturas en menos da metade de tempo que o conxunto das comunidades.

En canto á evolución da débeda comercial, os datos do informe elaborado polo Ministerio de Facenda tamén sitúan a Galicia como a comunidade autónoma con menor débeda comercial de España ao peche dos primeiros catro meses do ano.

Segundo o informe do ministerio, a ratio de débeda/PIB de Galicia situouse no mes de abril no 0,09%, a débeda comercial máis baixa de España e catro veces inferior á media autonómica, que foi do 0,37%. Ao peche do cuadrimestre, a débeda comercial do conxunto das comunidades autónomas era de 4.110,3 millóns de euros, dos que 51,7 millóns –o 1,2% do total- corresponden a Galicia.

PMP – Abril 2020 (*CCAA réxime foral)

1

Galicia

13,8

 

10

Aragón

31,7

2

Canarias

14,7

11

Cantabria

31,9

3

Andalucía

16,2

12

Madrid

32,0

4

País Vasco*

20,8

 

Media CC.AA

34,2

5

Asturias

21,7

13

Valencia

37,4

6

Castilla-La Mancha

24,6

14

Baleares

40,4

7

Navarra*

27,6

15

La Rioja

45,2

8

Castilla y León

29,6

16

Murcia

46,1

9

Extremadura

31,2

17

Cataluña

48,2

 

 

Fonte: Ministerio de Facenda