A orde do 5 de xuño de 2003 (DOG do 17 de xuño de 2003), pola que se regula o procedemento para o pagamento e a presentación telemática das autoliquidacións correspondentes ó imposto sobre "Transmisións Patrimoniais e actos xurídicos documentados pola transmisión de determinados medios de transporte usados entre particulares" e na Orde de 30 de abril do 2004 pola que se regula o procedemento para o pagamento e a presentación telemática das autoliquidacións correspondentes ao imposto sobre "Transmisións Patrimoniais e actos xurídicos documentados" (DOG de 11 de maio do 2004) e a Orde de 19 de maio do 2005 (DOG de 26 de maio do 2005 pola que se regula o procedemento para o pago e a presentación telemáticas das autoliquidacións do imposto sobre sucesións e doazóns e se modifican as ordes que regulan o pago e a presentación telemáticas no imposto sobre transmisións patrimoniais e actos xurídicos documentados e na taxa fiscal sobre o xogo, describen os requisitos necesarios para a utilización desta vía de presentación recoñecendo a importación que nestes impostos teñen determinados profesionais. Así, cualifica de usuarios ós membros dos colexios profesionais que subscriban coa Comunidade Autónoma o correspondente convenio de colaboración, nos termos acordados neste. A Comunidade Autónoma de Galicia ten subscrito, neste momento, o Convenio de colaboración entre a Xunta de Galicia e o Consello da Avogacía Galega para a aplicación das novas tecnoloxías da información nos procedementos de xestión tributaria, de 17 de xuño do 2003.

Para poder realiza-las presentacións obxecto da norma anterior son necesarios os seguintes datos:

• Identificación do Avogado
  Ten que consta-lo nome do avogado, ó seu CIF así como o teléfono e a dirección de correo electrónico.
   
• Identificación dos Usuarios da Aplicación
  Ten como obxectivo a asignación de usuarios e contrasinal para o acceso ó sistema, sendo necesario ter un certificado dixital outorgado pola Fábrica Nacional de Moeda e Timbre – Real Casa da Moeda (FNMT-RCM) ou daquelas autoridades certificadoras que sexan admitidas pola Consellería de Facenda, a nome da persoa ou persoas que realizarán as presentacións. Para a realización do pagamento é necesario que estas persoas aparezan como titulares das contas contra as cales se vai face-lo pagamento.
  
  Para estes efectos solicítanse os datos de: nome, apelidos e NIF, teléfono e dirección de correo electrónico, así como o sistema operativo co que traballa o usuario (Windows 98, 2000, etc.).
   
• Responsable de Informática
  Se dispoñen dalgún responsable informático co que desexen que se traten os problemas desta natureza, indica-lo seu nome e apelidos, teléfono e dirección de correo electrónico.