Decreto Lexislativo 1/2011 , de 28 de xullo,  polo que se aproba o Texto Refundido das disposicións legais da Comunidade Autónoma de Galicia en materia de tributos cedidos polo Estado.

Tipo de gravame na modalidade de transmisións patrimoniais onerosas. Artigo 14

Un. Tipo de gravame xeral para as operacións inmobiliarias

Será do 7%,o tipo impositivo aplicable  á transmisión de inmobles, así como a constitución e cesión de dereitos reais que recaian sobre os mesmos, agás os dereitos reais de garantía.

Dous. Tipo de gravame para a adquisición de vivenda habitual por discapacitados

Será do 4%, o tipo de gravame aplicable, na modalidade de transmisións patrimoniais onerosas, ás transmisións de inmobles que vaian constituír a vivenda habitual do contribuínte cando esta sexa unha persoa discapacitada física, psíquica ou sensorial cun grao de minusvalía igual ou superior ao 65%.

No caso de que a vivenda sexa adquirida por varias persoas, o tipo aplicarase exclusivamente á parte proporcional que corresponda ao contribuínte discapacitado.

Requisitos

• No momento de presentación do imposto, o contribuínte debe achegar a xustificación documental adecuada e suficiente da condición de discapacidade e do grao de minusvalía.
• Considerarase acreditado un grao de minusvalía igual ou superior ao 65% cando se trate de persoas cuxa incapacidade sexa declarada xudicialmente, aínda que non alcance o devandito grao, así como nos casos de dependencia severa e gran dependencia, sempre que estas últimas situacións sexan recoñecidas polo órgano competente, de acordo co establecido no artigo 28 da Lei 39/2006, de 14 de decembro, de promoción da autonomía persoal e atención ás persoas en situación de dependencia.

Tres. Tipo de gravame para a adquisición de vivenda habitual por familias numerosa.

Será do 4%  o tipo de gravame aplicable, no imposto sobre transmisións patrimoniais onerosas, ás transmisións de inmobles que vaian constituír a vivenda habitual do contribuínte.

Requisitos

• Que o adquirente na data de devengo do imposto sexa membro de familia numerosa que teña recoñecida tal condición co título oficial en vigor e destine o inmoble adquirido a vivenda habitual da súa familia.
• Que  a suma do patrimonio de todos os membros da familia non superará a cifra de 400.000 euros, máis 50.000 euros adicionais por cada membro superior ao mínimo para obter a condición de familia numerosa.
• A valoración do patrimonio realizarase conforme as regras do imposto sobre o patrimonio referidas á data da adquisición do inmoble, e este incluirase polo seu valor de adquisición e sen dedución das débedas asumidas nos supostos de adquisición con prezo aprazado ou financiamento alleo.
• A condición de familia numerosa acreditarase mediante o título oficial en vigor establecido para o efecto, no momento de presentación da declaración do imposto, de acordo co establecido na Lei 40/2003, do 18 de novembro, de protección ás familias numerosas.
• A adquisición da vivenda deberá de documentarse en escritura pública, na que se  fará constar  a súa finalidade de destinala a constituír a súa vivenda habitual.

Criterios de aplicación

• Os conceptos de vivenda habitual, adquisición de vivenda habitual e unidade familiar l serán os contemplados na normativa reguladora do imposto sobre a renda das persoas físicas (artigo 3 apartados un e dous do texto refundido).
• Se a vivenda adquirida non chega a reunir os requisitos para ser habitual deberá de ingresarse a cantidade derivada do beneficio fiscal xunto cos xuros de mora. Para estes efectos, o suxeito pasivo deberá practicar a correspondente autoliquidación e presentala no prazo de trinta días hábiles, a contar desde o momento en que se incumpran os requisitos.
• No caso de gozar da redución contemplada no artigo 8.Tres deste Texto Refundido, o tipo reducido aplicarase ao importe resultante de minorar a base liquidable na contía do importe da doazón.
• No suposto de que o inmoble sexa adquirido por varias persoas e non se cumpran os requisitos sinalados nos artigos anteriores en todos os adquirentes, o tipo reducido aplicarase á parte proporcional da base liquidable correspondente á porcentaxe de participación na adquisición dos contribuíntes que si os cumpran.

Vixencia

• Aplicable a feitos  impoñibles realizados desde o 1 de xullo de 2009

Tipo de gravame na modalidade de Actos Xurídicos Documentados. Artigo 15

Un. Tipo de gravame xeneral nos documentos notariais

Será do 1% o tipo de gravame nas primeiras copias de escrituras ou actas notariais suxeitas ao imposto sobre actos xurídicos documentados, na súa modalidade de documentos notariais

Dous. Tipo de gravame aplicable na primeira adquisición de vivenda habitual

Será do 0,75% o tipo de gravame  nas primeiras copias de escrituras que documenten a primeira adquisición de vivenda habitual ou a constitución de préstamos o créditos hipotecarios destinados ao seu financiamento,  suxeitas ao imposto sobre actos xurídicos documentados, na súa modalidade de documentos notariais.

Para os efectos, os conceptos de  vivenda habitual  e adquisición de vivenda habitual serán os contemplados na normativa reguladora del Imposto sobre la Renda das Persoas Físicas.

Tres. Tipo de gravame para a adquisición de vivenda habitual por familias numerosas.

Será do 0,3%,  nas primeiras copias de escrituras que documenten unha adquisición de vivenda habitual, suxeitas ao imposto sobre actos xurídicos documentados, na súa modalidade de documentos notariais.

Requisitos

• Que o adquirente  na data de devengo do imposto sexa membro de familia numerosa que teña recoñecida tal condición co título oficial en vigor e destine o inmoble adquirido a vivenda habitual da súa familia.
• Que a suma do patrimonio de todos os membros da familia non superará a cifra de 400.000 euros, máis 50.000 euros adicionais por cada membro superior ao mínimo para obter a condición de familia numerosa.
• A valoración do patrimonio realizarase conforme as regras do imposto sobre o patrimonio referidas á data da adquisición do inmoble, incluíndo o mesmo polo seu valor de adquisición e sen dedución das débedas asumidas nos supostos de adquisición con prezo aprazado ou financiamento alleo.
• A condición de familia numerosa acreditarase mediante o título oficial en vigor establecido para o efecto, no momento de presentación da declaración do imposto, de acordo co establecido na Lei 40/2003, de 18 de novembro, de protección ás familias numerosas.
• A adquisición da vivenda deberá de documentarse en escritura pública , na que  se fará constar  a súa finalidade de destinala a constituír a súa vivenda habitual.

Criterios de aplicación

• Os conceptos de vivenda habitual, adquisición de vivenda habitual e unidade familiar l serán os contemplados na normativa reguladora do imposto sobre a renda das persoas físicas (artigo 3 apartados un e dous do texto refundido).
• Se a vivenda adquirida non chega a reunir os requisitos para ser habitual deberá de ingresarse a cantidade derivada do beneficio fiscal xunto cos xuros de mora. Para estes efectos, o suxeito pasivo deberá practicar a correspondente autoliquidación e presentala no prazo de trinta días hábiles, a contar desde o momento en que se incumpran os requisitos.
• No caso de gozar da redución contemplada no artigo 8.Tres deste Texto Refundido, o tipo reducido aplicarase ao importe resultante de minorar a base liquidable na contía do importe da doazón.
• No suposto de que o inmoble sexa adquirido por varias persoas e non se cumpran os requisitos sinalados nos artigos anteriores en todos os adquirentes, o tipo reducido aplicarase á parte proporcional da base liquidable correspondente á porcentaxe de participación na adquisición dos contribuíntes que si os cumpran.

Vixencia

• Aplicable a feitos  impoñibles realizados desde o 1 de xullo de 2009

Catro. Tipo de gravame para as sociedades de garantía recíproca

Será do 0,1% nas primeiras copias de escrituras ou actas notariais que formalicen a constitución e cancelación de dereitos reais de garantía, cando o suxeito pasivo sexa unha sociedade de garantía recíproca con domicilio social no territorio da Comunidade Autónoma de Galicia, suxeitas ao imposto sobre actos xurídicos documentados, na súa modalidade de documentos notariais.

Cinco. Tipo de gravame no caso de renuncia a exención no imposto sobre o valor engadido

Será del 2% o tipo de gravame aplicable nas primeiras copias de escrituras que documenten transmisións de bens inmobles en que se renunciase á exención do imposto sobre o valor engadido, tal e como se contempla no artigo 20.Dous da Lei 37/1992, de 28 de decembro, do imposto sobre o valor engadido, suxeitas ao imposto sobre actos xurídicos documentados, na súa modalidade de documentos notariais.

Deducións e bonificacións na cota íntegra na modalidade de transmisións patrimoniais onerosas. Artigo 16

Uno. Bonificación aplicable a los arrendamentos de vivenda

Bonificación na cota do 100%, na modalidade de transmisións patrimoniais onerosas, para  aqueles arrendamentos de vivenda que se realicen entre particulares con intermediación do Instituto Galego da Vivenda e Solo ao abeiro de programas de fomento ao aluguer.

Dous. Dedución por arrendamentos de terreos rústicos

Dedución na cota del 100%, na modalidade de transmisións patrimoniais onerosas,  no suposto de arrendamento de terreos rústicos

Requisitos

Que as persoas arrendatarias:

• Teñan a condición de agricultores profesionais en canto á dedicación de traballo e procedencia de rendas e sexan titulares dunha explotación agraria, á cal queden afectos os elementos obxecto do aluguer, ou
• Sexan socios dunha sociedade agraria de transformación, cooperativa de explotación comunitaria da terra ou sociedade civil que sexa titular dunha explotación agraria á que queden afectos os elementos arrendados.

Para os efectos desta dedución, os termos de «explotación agraria», «agricultor/a profesional» son os definidos na Lei 19/1995, de 4 de xullo, de modernización das explotacións agrarias, e acreditaranse mediante certificación expedida polo órgano correspondente da comunidade autónoma. A dedución quedará condicionada á presentación no prazo de declaración destes xustificantes.

Tres. Bonificación aplicable á transmisión de predios rústicos do Banco de Terras de Galicia.

Dedución na cota tributaria do 95%no imposto de transmisións patrimoniais y actos xurídicos documentados nas  transmisións en propiedade ou a cesión temporal de predios integrantes do Banco de Terras de Galicia, a través dos mecanismos previstos na Lei 6/2011, do 13 de outubro, de mobilidade de terras.

Requisitos

• Este beneficio fiscal será incompatible con calquera outro que lle puidese ser aplicable  a esas adxudicacións ou ao encargo de mediación.
• A aplicación do devandito beneficio fiscal quedará condicionada ao mantemento durante un período mínimo de cinco anos do destino agrario do predio, agás nos supostos de expropiación para a construción de infraestruturas públicas ou de edificación de instalacións ou construcións asociadas á explotación agraria.
• No caso de incumprimento da antedita condición, a persoa  beneficiaria deberá ingresar o importe do beneficio gozado máis os xuros de mora, mediante a presentación dunha autoliquidación complementaria no prazo de trinta días hábiles desde o incumprimento da condición.

Catro. Dedución pola adquisición de parcelas forestais que formen parte da superficie de xestión e comercialización conxunta de producións que realicen agrupacións de propietarios forestais dotadas de personalidade xurídica.

Dedución do 100% na cotano imposto de transmisións patrimoniais onerosas e actos xurídicos documentados para as transmisións onerosas de parcelas forestais incluídas na superficie de xestión e comercialización conxunta de producións que realicen agrupacións de propietarios forestais dotadas de personalidade xurídica sempre que esas transmisións sexan realizadas entre membros das mesmas ou ben con terceiros que se integren nelas e manteñan a propiedade polo prazo, contido nos estatutos sociais, que reste para o cumprimento do compromiso da agrupación de permanencia obrigatoria na xestión conxunta das parcelas.

A dedución quedará condicionada á presentación, no prazo de declaración, dos xustificantes expedidos pola Consellería competente en materia do Medio Rural que acrediten a inclusión dos devanditos terreos na agrupación de propietarios forestais.

Cinco. Bonificación aplicable a operacións derivadas do Plan de Dinamización Económica de Galicia previsto para as áreas da Costa da Morte ou de dinamización prioritaria de Lugo e Ourense.

Bonificación do 50% da cota na modalidade de transmisións patrimoniais onerosas  polos actos e contratos que conteñan transmisións de terreos para a construción de parques empresariais e as agrupacións, agregacións, segregacións ou declaracións de obra nova que se realicen sobre terreos situados  nos mesmos, a condición de que estes parques empresariais sexan consecuencia do Plan de Dinamización Económica de Galicia previsto para as áreas da Costa da Morte ou de dinamización prioritaria de Lugo e Ourense.

Deducións e bonificacións na cota íntegra na modalidade de actos xurídicos documentados. Artigo 17

Uno. Bonificación aplicable ás operacións relacionas con vivendas protexidas ao abeiro da lexislación da Comunidade Autónoma de Galicia

Bonificación del 50% na cota da modalidade de actos xurídicos documentados, referida ao gravame gradual, polas primeiras copias de escrituras e actas notariais mentres conteñan os seguintes actos ou contratos relacionados con vivendas protexidas ao abeiro da lexislación da Comunidade Autónoma de Galicia que non gocen de exención

• Transmisión de soares e cesión do dereito de superficie para a súa construción.
• Declaracións de obra nova e constitución de edificios en réxime de propiedade horizontal.
• Primeira transmisión «inter vivos» do dominio de vivendas.

Requisitos

Para o recoñecemento do beneficio con relación á transmisión dos solares e a cesión do dereito de superficie abondará con que se consigne no documento que o contrato se outorga a fin de construír vivendas protexidas ao abeiro da lexislación da Comunidade Autónoma de Galicia, quedando sen efecto se transcorresen tres anos a partir de devandito recoñecemento sen que obteña a cualificación provisional.

O beneficio entenderase concedido con carácter provisional e condicionado ao cumprimento dos requisitos que en cada caso esixan as disposicións vixentes para esta clase de vivendas.

Dous. Bonificación aplicable ás declaracións de obra nova ou división horizontal de edificios destinados a vivendas de aluguer

Bonificación do 75% de la cota nas escrituras públicas outorgadas para formalizar a declaración de obra nova ou a división horizontal de edificios destinados a vivendas de aluguer

Requisitos

Para o recoñecemento desta bonificación deberá consignarse no documento que o promotor da edificación vai dedicarse directamente á súa explotación no réxime de arrendamento e destinar a esta actividade a totalidade das vivendas existentes na mesma.

A bonificación entenderase concedida con carácter provisional e estará condicionada a que, dentro dos dez anos seguintes á finalización da construción, non se produza calquera das seguintes circunstancias:

• Que exista algunha vivenda que non estivese arrendada durante un período continuado de dous anos.
• Que se realizase a transmisión dalgunha das vivendas.
• Que algún dos contratos de arrendamento se asinase por un período inferior a catro meses.
• Que algún dos contratos de arrendamento teña por obxecto unha vivenda amoblada e o arrendador se obrigue á prestación dalgún dos servizos complementarios propios da industria hostaleira, como restaurante, limpeza, lavado de roupa ou outros análogos.
• Que algún dos contratos de arrendamento se celebrase a favor de persoas que teñan a condición de parentes, ata o terceiro grao inclusive, co promotor ou promotores, se estes fosen empresarios individuais, ou cos socios, conselleiros ou administradores, se a promotora fose persoa xurídica.

No caso de producirse, dentro do indicado prazo, calquera das circunstancias anteriores, deberá satisfacerse, nos trinta días hábiles seguintes á data en que aconteza, o imposto que se deixase de ingresar a consecuencia da bonificación e os xuros de mora.

Non se entenderá producida a circunstancia sinalada na letra b) cando se transmita a totalidade da construción a un ou varios adquirentes que continúen coa explotación das vivendas do edificio en réxime de arrendamento. Os adquirentes  subrogaranse na posición do transmitente para a consolidación da bonificación e para as consecuencias derivadas do seu incumprimento.

Os servizos de inspección tributaria da Consellería competente en materia de Facenda poderán, periodicamente, comprobar se se produciron as circunstancias que orixinan a perda da bonificación.

Tres. Dedución pola adquisición de leiras forestais que formen parte da superficie de xestión e comercialización conxunta de producións que realicen agrupacións de propietarios forestais dotadas de personalidade xurídica.

Dedución de 100% na cota no imposto de transmisións patrimoniais onerosas e actos xurídicos documentados para as transmisións onerosas de parcelas forestais incluídas na superficie de xestión e comercialización conxunta de producións que realicen agrupacións de propietarios forestais dotadas de personalidade xurídica sempre que esas transmisións sexan realizadas entre membros das mesmas ou ben con terceiros que se integren nelas e manteñan a propiedade polo prazo, contido nos estatutos sociais, que reste para o cumprimento do compromiso da agrupación de permanencia obrigatoria na xestión conxunta das parcelas.

A dedución quedará condicionada á presentación, no prazo de declaración, dos xustificantes expedidos pola Consellería competente en materia do Medio Rural que acrediten a inclusión dos devanditos terreos na agrupación de propietarios forestais.

Catro. Bonificación aplicable ás operacións derivadas do Plan de Dinamización Económica de Galicia previsto para as áreas da Costa da Morte ou de dinamización prioritaria de Lugo e Ourense.

Bonificación do 50% da cota, en canto ao gravame gradual sobre actos xurídicos documentados,  respecto dos actos e contratos que conteñan transmisións de terreos para a construción de parques empresariais e as agrupacións, agregacións, segregacións ou declaracións de obra nova que se realicen sobre terreos situados  nos mesmos, a condición de que estes parques empresariais sexan consecuencia do Plan de Dinamización Económica de Galicia previsto para as áreas da Costa da Morte ou de dinamización prioritaria de Lugo e Ourense.

Cinco. Dedución para a constitución de préstamos hipotecarios destinados á cancelación doutros préstamos hipotecarios que foron destinados á adquisición de vivenda habitual

Dedución do 100%  no imposto sobre actos xurídicos, na súa modalidade de documentos notariais, aplicarase unha dedución do 100% da cota, sempre que se cumpran os requisitos seguintes:

• Que a operación se refira á constitución dun préstamo ou crédito hipotecario.
• Que a finalidade do préstamo ou crédito hipotecario sexa a cancelación doutro préstamo ou crédito hipotecario destinado ao financiamento da adquisición dunha vivenda habitual

Criterios de aplicación

• No caso de que o novo préstamo ou crédito hipotecario sexa dunha contía superior á necesaria para a cancelación total do préstamo anterior, a porcentaxe de dedución aplicarase exclusivamente sobre a porción de cota que resulte de lle aplicar á mesma o resultado do cociente entre o principal pendente de cancelación e o principal do novo préstamo ou crédito.
• Os conceptos de vivenda habitual e adquisición de vivenda habitual serán os contemplados na normativa reguladora do imposto sobre a renda das persoas físicas. Entenderase por vivenda a edificación destinada á residencia das persoas físicas  (artigo 3 apartado un do texto refundido).

Vixencia

Aplicable a feitos impoñibles realizados desde o 16 de novembro de 2010

Seis. Dedución nas operacións de subrogación e modificación de préstamos e créditos hipotecarios concedidos para o investimento en vivenda habitual

Dedución do 100%  na cota do imposto sobre actos xurídicos documentados na modalidade de documentos notariais:

• ás escrituras de créditos hipotecarios que recollan as operacións ás que se refiren os artigos 7 e 9 da Lei 2/1994, do 30 de marzo, sobre subrogación e modificación de préstamos hipotecarios e sempre que se trate de créditos concedidos para o investimento en vivenda habitual.
  
  Este beneficio fiscal aplicarase nos mesmos termos e condicións cós recoñecidos para os préstamos hipotecarios nos devanditos artigos.
• ás escrituras públicas de novación modificativa de préstamos ou créditos hipotecarios concedidos para o investimento en vivenda habitual, pactados de común acordo entre acredor e debedor, sempre que o acredor sexa unha das entidades á que se refire o artigo 1 da Lei 2/1994, do 30 de marzo, sobre subrogación e modificación de préstamos hipotecarios, e a modificación se refira ao método ou sistema de amortización e a calquera outras condicións financeiras do préstamo ou crédito